Tom Hanks promovon pjesën e katërt të filmit “Toy Story 4”

Fituesi i çmimit “Oscar”, Tom Hanks, është bërë bashkë me ekipin e filmit “Toy Story”, për të parakaluar në tepihun e kuq për pjesën e katërt të filmit të animuar.
Hanks ishte përkrah aktorëve me pesha të rënda, siç janë Tim Allen e Keanu Reeves, të cilët huazuan zërin për këtë film të animuar.
“Toy Story 4” rikthen Hanksin në rolin e kaubojit Woody. E kjo është pjesa më e re e trilogjisë “Toy Story”, që me tri pjesët e para tuboi 1.8 miliard dollarë nëpër arkat filmike.
“Filmat e Toy Storyt gjithmonë i kujtoj siç i shikoj për herë të parë sepse nuk e dimë asnjëherë se si do të duken po të bëhen bashkë të gjithë. Sa herë i shikoj, them se këta janë filma të rëndësishëm, pasi i kthejnë njerëzit shumë vjet prapa dhe gjithmonë u duken sikur kanë shikuar pjesën e parë”, tha Hanks, transmeton albinfo.ch.
E pjesa e katërt e filmit merr vëmendje të madhe shkaku i paraqitjes së aktorit Keanu Reeves, i njohur për filmat “Jon Wick” e “Matrix”.
“Unë luaj rolin e Duke Caboom, improvizuesi më i madh kanadez. Ai nuk ka fëmijë dhe disi humb qëllimin e jetës, por përmes këtij udhëtimi, Caboom bëhet pjesë e rëndësishme e filmit”, tha Reeves.