Aktorja Larson tregon vështirësitë që kaloi për filmin e ri

Fituesja e çmimit “Oscar”, Brie Larson, ka thënë se gjatë stërvitjeve për rolin e saj në “Captain Marvel”, e shtyu veten përtej kapaciteteve, me qëllim që ta realizojë sa më mirë filmin e parë me super-heronj që ka në rol kryesor një grua.

Regjisorët dhe ekipi i aktorëve, në mesin e të cilëve ishin edhe Samuel L. Jackson dhe Gemma Chan, promovuan filmin “Captain Marvel” në Singapor, përcjell albinfo.ch.

Me ngjarje që zhvillohet në vitet e ‘90-a, filmi është pjesë e trilogjisë së Universit Marvel. Aktorja luan rolin e Carol Danvers, që shndërrohet në një prej heroinave më të fuqishme të universit. Stërvitjet e Larsonit përfshinin shtyrjen e një veture, e pamjet i kishte publikuar në llogarinë e saj në Instagram.

Jackson, 70-vjeçar, luan rolin e super-agjentit Nick Fury në moshë të re. Për t’i kthyer prapa vitet, aktori i njohur u ndihmua nga grimerët.