Albin Kurti shtrihet në spital

Kryetari i Lëvizjes Vetëvendosje, Albin Kurti, është shtrirë në QKUK, përkatësisht në Klinikën infektive për shkak të një infeksioni gripal, ka njoftuar ish-drejtori i Shëndetësisë në Komunën e Prishtinës, Arben Vitia, shkruajnë mediat vendore në Kosovë.

Vitia thotë se gjendja e Kurtit tashmë është stabile, përcjell albinfo.ch.

Postimi i plotë:

Të dashur miq, meqenëse shumë prej jush po thërrisni në telefon për të pyetur, po ju njoftoj këtu, Albini sot në mëngjes herët ka pasur një shqetësim shëndetësor, për shkak të një infeksioni gripal.

Falë përkujdesjes së mjekëve në Emergjencë dhe Klinikës infektive në QKUK, gjendja e tij tash është më stabile. Pranë tij është kujdesi i mjekëve, familjarëve e aktivistëve. Meqenëse shenjat janë të gjitha të mira, shpresojmë që do të dalë sa më shpejt.