Lajme
Ambasada e Gjermanisë në Kosovë pret zgjedhje të besueshme
Ambasadori i Gjermanisë në Kosovë, Jorn Rohde, tha se pret që institucionet e Kosovës të sigurojnë “organizimin e zgjedhjeve të besueshme, gjithëpërfshirëse dhe transparente” dhe “në përputhje me standardet ndërkombëtare”.
Komentet e tij në Twitter vijnë në ditën kur kryetarja e Komisionit Qendror të Zgjedhjeve në Kosovë, Valdete Daka, akuzoi, siç u shpreh ajo, “burrat e politikës” për kërcënime kundër saj, shkruan Rel, përcjell Albinfo.ch.
Daka tha se kërcënimet janë bërë pas vendimit të Këshillit Gjyqësor të Kosovës për moslejimin e 47 kandidatëve për deputetë që të marrin pjesë në zgjedhjet e 14 shkurtit, për shkak të problemeve me ligjin.
Gjykata Kushtetuese e Kosovës ka marrë vendim dhjetorin e kaluar që të gjithë personat që janë të dënuar për vepra penale në tre vjetët e fundit, me vendim të formës së prerë, ta kenë të kufizuar të drejtën për t’u certifikuar si kandidatë për deputetë.
Duke folur në një konferencë për media të enjten, Daka nuk tregoi se nga cilat parti ka marrë kërcënime.
Ambasadori gjerman tha se procedurat parazgjedhore, përfshirë certifikimin e kandidatëve, janë ende në zhvillim dhe se këto procedura përcaktohen me ligj dhe përfshijnë mundësi ankese.
“Është e rëndësishme që institucionet e pavarura dhe organet përkatëse gjyqësore të jenë në gjendje që ta kryejnë punën e tyre pa ndërhyrje” , tha ambasadori Rohde.
Në zgjedhjet e 14 shkurtit, për pjesëmarrje kanë kandiduar 28 subjekte politike me 1,080 kandidatë për deputetë.
Komisioni Qendror i Zgjedhjeve ka sqaruar më herët se subjektet politike apo kandidatët që nuk certifikohen për pjesëmarrje në zgjedhje, mund të bëjnë ankesa deri më 31 janar.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?