Lajme

Ambasada e Kosovës në Austri nuk lëshon dokumente

Nën arsyetimin se nuk po funksionon sistemi, Ambasada e Kosovës në Vjenë tash e tetë ditë nuk lëshon dokumente. Një gjë të tillë e ka denoncuar një qytetarë në Gazetën Express.

Në anën tjetër, Ministria e Punëve të Jashtme dhe Diasporës konfirmon se shërbimi konsullor në Ambasadën e Republikës së Kosovës në Austri në javën e fundit është përballur me probleme teknike, përcjellë albinfo.ch.

“Shërbimi Konsullor në Ambasadën e Republikës së Kosovës në Austri, në javën e fundit është përballur me disa probleme teknike në sistemin e aplikimeve për pasaporta dhe letërnjoftime, për evitimin e të cilit është duke u punuar intenisivisht nga ekipet përgjegjëse. Problemi që lidhet me një pajisje harduerike do të evitohet plotësisht më së largu ditën e nesërme”, tha MPJD për Gazetën Express.

Tutje, sqarohet se sistemi për lëshimin e dokumenteve personale menaxhohet e mirëmbahet nga Ministria e Punëve të Brendshme që sipas MPJD po punohet për të kthyer sistemin.