Ambasada Amerikane në Tiranë kërkon nga opozita të protestojë pa dhunë

Një ditë para protestës së opozitës në Shqipëri, Ambasada Amerikane në Tiranë ka bërë thirrje për protesta paqësore.

“Në çastin kur një protestë paqësore njolloset nga një akt dhune, qoftë edhe nga një individ, qëllimi demokratik i protestës komprometohet”, thuhet në reagimin e Ambasadës, transmeton albinfo.ch.

Kjo ambasadë thotë se protesta është një e drejtë themelore demokratike, por ato bëhen të papranueshëm nëse ka dhunë.

“U bëjmë thirrje të gjithë personave të përfshirë në protestën e së shtunës që të refuzojnë dhunën për të siguruar një protestë paqësore dhe konstruktive”, thekson kjo ambasadë.