Ambasadori i Kosovës në Gjermani, në ballinë të revistës së njohur gjermane

Në numrin më të ri të revistës së njohur gjermane “Business & Diplomacy”, Kosova ka zënë vend të veçantë.

Ambasadori kosovar, Faruk Ajeti është në ballinën e këtij numri.

“Jam i lumtur që, si Ambasador i Republikës së Kosovës në Gjermani, të jem i përzgjedhur në ballinën e revistës së mirënjohur gjermane “Business & Diplomacy”. Kjo revistë ka publikuar edhe disa artikuj për Kosovën, duke promovuar Republikën tonë si shembull ndriçues të ndërtimit demokratik në rajon dhe duke vlerësuar pozitivisht potencialin ekonomik që Kosova ofron”, ka shkruar Ajeti.

Shkrimet në këtë revistë kanë të bëjnë me Kosovën si republikën më të re të Evropës, marrëdhëniet e shkëlqyera me Gjermaninë dhe sfidat e punës së tij në Berlin, arsyet kryesore për të investuar në Republikën e Kosovës dhe të tjera.

Lexoni magazinën: https://publuu.com/flip-book/425343/1135093