Ambasadorja e Kosovës në Suedi, krenare për fitoren e Korit Siparantum

“Krenari e pafund për fitoren dhe përfaqësimin dinjitoz të Republikës së Kosovës”

Ambasadorja e Kosovës në shtetin e Suedisë, Shkëndije Geci- Sherifi, është shprehur se ndihet krenare për fitoren e medaljes së artë të Korit Siparantum në ‘Lojërat Evropiane të Koreve’ të mbajtura në Suedi, përcjell albinfo.ch.

Ambasadorja Geci- Sherifi, përmes një postimi në Facebook, ka thënë se ndihet krenare me fitoren dhe përfaqësimin dinjitoz të Republikës së Kosovës nga Kori Siparantum.

“Krenari pa fund për fitoren dhe përfaqësimin dinjitoz të Republikës së Kosovës. Ju lumtë Siparantum Choir & Memli Kelmendi”, është shprehur Geci-Sherifi.

Kori “Siparantum” është shpallur fitues i “Lojërave Evropiane të Koreve”, i cili është mbajtur në Suedi, nga ku ka rrëmbyer medaljen e artë në kategorinë më të lartë të garave “Çmimin e Madh të Kombeve”.

---