Amerikanët trajnojnë policët ushtarakë të FSK-së

Ministri i Mbrojtjes, Armend Mehaj, ka njoftuar se marinsat amerikanë po trajnojnë policët ushtarakë të FSK-së, përcjell albinfo.ch.

Mehaj ka shkruar se marinsat amerikanë për policët ushtarakë të FSK-së ofruan njohuritë e tyre për demonstrimin e shkathtësive në neutralizimin e gjuajtësit aktiv.

“Në kazermën “Adem Jashari”, marinsat amerikanë ofruan për policët tanë ushtarakë njohuritë për demonstrimin e shkathtësive në neutralizimin e gjuajtësit aktiv, ndalesat e trafikut me rrezikshmëri të lartë, operimin me armët jovdekjeprurëse si dhe negocimin me pengjet dhe lirimin e tyre”, ka shkruar Mehaj në Facebook.

Ai ka falënderuar dhe u ka shprehur mirënjohje të përjetshme për shtetin, kombin dhe forcat amerikane.