Amnestia legalizon miliarda franga të shkelësve të tatimeve

Me amnestinë, zviceranët kanë pasur rastin të legalizojnë, pa u ndëshkuar, paratë ilegale të fituara vetë ose të trashëguara

Mbi 4400 persona që i kanë bishtnuar pagesës së tatimeve, kanë përfituar nga amnistia e shpallur në gjithë Zvicrën gjatë vitit 2010, shkruan blick.ch.

“Mëkatarët tatimorë” në 21 kantone gjatë vitit 2010 ata kanë deklaruar «mëkatet» e tyre që peshojnë disa miliarda franga. Kantonet tjera, të cilat po ashtu kanë qenë pjesë e amnestisë së vogël ende nuk kanë dalë me të dhëna.

Vetëm në kantonin Cyrihut kanë “paditur” veten 1400 bishtnues të tatimeve, me çka ata kanë legalizuar në mënyrë retroaktive 666 million franga para të fituara ilegalisht.

Me «amnestinë e vogël», të shpallur në janar të vitit të kaluar, të gjithë zviceranët kanë pasur rastin të legalizojnë paratë ilegale të fituara vetë ose të trashëguara, pa iu nënshtruar me këtë rast dënimit.

Ata ishin të detyruar vetëm që të paguanin tatimin e mnunguar të dhjetë viteve të fundit porjanë siguruar se nuk do të gjobiteshin.

Amnestia tatimore e fundit para kësaj të vitit që shkoi ka qenë ajo e shpallur në vitin 1969.