Amsterdami do të ndalojë konsumimin e kanabisit në publik

Foto: Adrien Olichon

Konsumimi i kanabisit në rrugët e qytetit të Amsterdamit së shpejti do të ndalohet, ka njoftuar Këshilli i qytetit, shkruan “CNN”, përcjell albinfo.ch.

Destinacioni ka qenë prej kohësh i njohur për kanabisin, por banorët vendas janë ankuar se mbiturizmi po e bën qendrën e qytetit të pabanueshme. Më shumë se 18 milionë udhëtarë vizituan Amsterdamin vitin e kaluar.

“Banorët e qytetit të vjetër vuajnë shumë nga turizmi masiv dhe abuzimi me alkoolin dhe drogën në rrugë”, tha Këshilli në një deklaratë.

“Turistët tërheqin gjithashtu tregtarët e rrugës, të cilët nga ana tjetër shkaktojnë krim dhe pasiguri”.

Ata shtuan se atmosfera mund të “bëhet e zymtë, veçanërisht gjatë natës”, kur njerëzit që janë nën ndikim rrinë përreth për një kohë të gjatë, përcjell albinfo.ch.