Angli, hapen klasa të reja për mësimin e gjuhës shqipe

Klasë e orë të reja për fëmijët shqiptarë në Sheffield, Rotherham, Chesterfield dhe Doncaster

Me kërkesë të komunitetit shqiptar në Sheffield, Rotherham, Chesterfield dhe Doncaster, Shkolla Shqipe “Pavarësia” ka hapur dy orare të reja mësimi, nga ora 09:50–11:50 dhe 11:55–13:55, duke zgjeruar ofertën arsimore për fëmijët e diasporës në Mbretërinë e Bashkuar, transmeton albinfo.ch.

Mësimi zhvillohet sipas grupmoshave 3–5, 6–8 dhe 9–12 vjeç, bazuar në kurrikulën e Ministrisë së Arsimit dhe tekstet zyrtare për diasporën.

Përveç gjuhës shqipe, nxënësit mësojnë edhe për historinë, gjeografinë, kulturën dhe traditat shqiptare, me synim forcimin e identitetit kulturor të brezit të ri në diasporë./Albinfo.ch

---