Apeli i ambasadorëve: Luftojeni çdo ditë korrupsionin

Ambasadori Delawie tha se duhet të qëndrojmë së bashku për ta luftuar korrupsionin, por se këtë luftë më së shumti duhet ta bëjnë vendorët.

Në sheshin “Skënderbeu” në Prishtinë është mbajtur manifestimi përmbyllës i javës kundër korrupsionit, transmeton albinfo.ch.

Ambasadori amerikan, Greg Delawie, tha se duhet të qëndrojmë së bashku për ta luftuar korrupsionin, por se këtë luftë më së shumti duhet ta bëjnë vendorët.

Ndërsa shefja e zyrës së BE-së, Natalia Apostolova, ka deklaruar se korrupsioni është fenomen i rrezikshëm që ka qëndruar gjatë në Kosovë  dhe se të rinjtë janë të frustruar ngase e ardhmja e tyre është e rrezikuar nga korrupsioni.

Përfaqësuesi i OJQ-ve, Betim Musliu, tha se javën kundër korrupsionit do ta përmbyllin me një aktivitet simbolik, përmes pemës e cila ishte e vendosur në shesh dhe ishte e stolisur me rastet e korrupsionit në Kosovë.