Lajme

Arineta Mula, shqiptarja e parë që përfundon garën më të vështirë të vrapimit

Vrapuesja shqiptare, Arineta Mula përfundon me sukses edhe një sfidë të radhës në vrapim.

E shtunë, 31 Gusht 2019 - 23:10 albinfo.ch

Këtë herë ajo ka marrur pjesë në Ultra Trail du Mont Blanc, e cila është gara më e vështirë dhe njëherit më e rëndësishme e Ultra Trail Ëorld Tour – përmbledhje e të gjitha garave ndërkombëtare në kuadër të Trail Run.

Pjesë e Ultra Trail du Mont Blanc janë vrapuesit elitar, pjesë e së cilës elitë i është bashkangjitur tashmë edhe Arineta Mula, duke u bërë pjesë e historisë edhe për Kosovën dhe shqiptarët si një vrapuese elitare.

Arineta është shqiptarja e parë që ka përfunduar me sukses garën prej 99.24 km me ngjitje totale prej 6156m.

Në këtë garë e kanë filluar gjithsej 2132 garues, prej të cilëve 542 nuk e kanë përfunduar garën/apo janë dorëzuar.