Futboll

Arnautoviq pendohet: Më falni!

Sulmuesi i Austrisë ka kërkuar falje për ofendimin ndaj futbollistit shqiptar

Sulmuesi i Austrisë që është me origjinë serbe, Marko Arnautoviq ofendoi Egzon Bejtullahin, që është me origjinë shqiptare.

Disa media raportuan se fyerjet ishin në drejtim të futbollistit tjetër shqiptar, Ezgjan Alioski, përcjell albinfo.ch.

Pasi e shënoi golin Arnautoviq filloi ofendimet, që e detyruan Alaban t’i mbyllte gojën me forcë.

Arnautoviq ka reaguar përmes rrjetit social Instagram, ku tha se fjalët që i tha ishin nga emocionet e golit.

“Unë nuk jam racist dhe nuk do të jem kurrë racist. Kishte një duel fjalësh nga emocionet nga të dyja krahët. Ne duhet që ta fshijmë tani atë që ndodhi dhe unë kërkoj falje për këtë. Nuk ka rëndësi se çfarë i thashë, por nuk ka të bëjë me politikën mes vendeve. Për të gjithë njerëzit që janë prekur, kërkoj falje. Le ta harrojmë këtë pasi nuk i përket futbollit. Më falni”, tha Arnautoviq.


LAJME INTERESANTE NGA INTERNETI