Lajme
Arrestohen 3 adoleshentë në Zvicër, planifikonin sulme terroriste
U konfirmuan arrestimet e një 15-vjeçari dhe një 16-vjeçari në kantonin Schaffhausen dhe ai i një 18-vjeçari në kantonin Thurgau. Të tre të rinjtë dyshohen për mbështetje të ISIS-it dhe për akte përgatitore për një vrasje me dashje
Tre adoleshentë u ndaluan nga policia me dyshimin se mbështesin organizatën terroriste të Shtetit Islamik (ISIS) dhe përgatitin sulme të mundshme terroriste kundër popullatës. Lajmi është konfirmuar nga Prokuroria e Përgjithshme e Zvicrës.
Autoritetet e Schaffhausen kanë hapur një hetim për një sulm të mundshëm me eksploziv të planifikuar nga një djalë 15-vjeçar zviceran dhe një djalë 16-vjeçar italian, tha sot në një shënim Ministria Publike e Schaffhausen. Hetimet synojnë të zbardhin qëllimet e sakta të dy të rinjve, transmeton albinfo.ch.
Dy adoleshentët dyshohen veçanërisht për përfshirje ose mbështetje për organizatën e ndaluar terroriste Isis dhe për akte përgatitore për një vrasje me dashje. Sipas asaj që ishte parashikuar nga Frankfurter-Allgemeine Zeitung dhe e konfirmuar nga prokuroria e Schaffhausen, arrestimi u bë pak pas Pashkëve në lidhje me një tjetër arrestim, atë në Gjermani – sërish për terrorizëm – të katër të miturve të moshës 15-16 vjeç. Grupi i vogël po organizonte njëkohësisht një sulm përtej kufirit.
Të rinjtë e radikalizuar komunikuan përmes një bisede të gjetur nga autoritetet në celularët e tyre. Gazeta gjermane raportoi se një mesazh i një prej të arrestuarve fliste për një kontakt me një djalë në Zvicër të gatshëm për t’u mobilizuar dhe për të sjellë një shok me vete. Kërcënimi terrorist u neutralizua në pesë ditë falë bashkëpunimit mes hetuesve gjermanë dhe zviceranë të antiterrorizmit.
Një 18-vjeçar zviceran i dyshuar për mbështetjen e ISIS-it u arrestua gjithashtu në kantonin Thurgau, tha Zyra e Prokurorit të Përgjithshëm të Zvicrës për Keystone-ATS, duke konfirmuar informacionin nga Blick. 18-vjeçari, i dyshuar edhe për vepra përgatitore për vrasje me dashje, ndodhet në masën parandaluese. Sipas asaj që është konstatuar nga autoritetet hetuese, dy të miturit nga kantoni Schaffhausen kanë qenë në kontakt me 18-vjeçarin në kantonin Thurgau, saktëson ZAP.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm