Lajme
“Gati armët bërthamore”, Macron thotë se janë vigjilent kundër kërcënimeve nga Rusia
Presidenti francez, Emmanuel Macron, ka bërë të ditur se është i gatshëm të diskutojë përdorimin e kokave bërthamore franceze, si pjesë e “mbrojtjes europiane” kundër kërcënimeve nga Rusia. Deklaratën e tij Macron e bëri për mediat rajonale franceze.
“Mbrojtja e besueshme europiane duhet të shkojë përtej mbrojtjes së ofruar tashmë nga NATO. Kjo mund të nënkuptojë vendosjen e mburojave bërthamore kundër raketave ruse, por duhet të jemi të sigurt se ato bllokojnë të gjitha raketat dhe pengojnë përdorimin e armëve bërthamore”, tha presidenti francez.
Deklarata e Macron u përball me kritika të mëdha nga kundërshtarët e tij politikë. Sipas tyre, reagimet e kreut të Elize vijnë në momentin e gabuar, kur Europa do të shkojë në zgjedhjet për Parlamentin Europian.
Doktrina e Francës përcakton qartë se kur duhet të përdoren: vetëm në rast të një kërcënimi ekzistencial për Francën, por Macron është i hapur që doktrinës franceze t’i japë një dimension të ri.
“Franca do të ruajë specifikat e saj, por është e gatshme të kontribuojë më shumë në mbrojtjen e tokës europiane. Unë jam në favor të hapjes së këtij debati, i cili duhet të përfshijë mbrojtjen raketore, armë me rreze të gjatë dhe armë bërthamore për ata që i kanë ato ose që kanë armë bërthamore amerikane në tokën e tyre”, shtoi Macron.
Franca ka rreth 300 koka bërthamore dhe është e vetmja fuqi bërthamore në Bashkimin Europian.
Presidenti francez javët e fundit ka mbajtur një qëndrim gjithnjë e më të ashpër kundër Rusisë, lidhur me pushtimin e saj në shkallë të plotë të Ukrainës dhe nuk është hera e parë që ai sugjeron përdorimin e armëve bërthamore të Francës për mbrojtjen e BE-së.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll