Arrestohen dy shqiptarë në Britani për këtë arsye

KEYSTONE

Mediat britanike raportojnë se dy shqiptarë janë arrestuar në Angli me akuzën e prodhimit dhe shpërndarjes së drogës në zonën e Playmouth, transmeton albinfo.ch.

F.K dhe F. K, kushurinj u kapën ndërsa ishin duke ecur me makinë, ku atyre iu gjet një sasi e madhe kanabisi në mjet.

Theksohet se gjykata e Playmouth do të jepte vendimin për dy kushërinjtë ditën e hënë, por u tërhoq sërish, pasi avokatët e të akuzuarve pretendojnë se ata kanë prodhuar më pak hashash nga sa pretendon policia.

Kushërinjtë F.K, 34 vjeç, nga High Wycombe dhe F.K, 36 vjeç, nga The Crescent janë pranuar të dy fajtorë për prodhimin e kanabisit të klasit B, por kanë argumentuar se përfshirja e tyre në drejtimin e dy fermave të kanabisit të përmasave “komerciale” ishte shumë më pak sesa pretendonte policia dhe prokurorët.

Të hënën në mëngjes dyshja shqiptare dolën para gjykatës së Lartë të Plymouth, por gjykatësi nuk i dënoi, duke kërkuar mbajtjen e një seance dëgjimore për të përcaktuar se çfarë dënimi duhet të përballet dyshja pasi kishte një ‘ndryshim thelbësor’ midis asaj që prokurorët dhe avokatët mbrojtës thanë se kishin bërë.