Austri, hiqet bllokimi për personat e vaksinuar

(AP Photo/Vadim Ghirda)

Shteti austriak hoqi bllokimin të dielën për njerëzit e vaksinuar kundër COVID-19 ose ata që së fundmi u shëruan nga sëmundja, përcjell albinfo.at.

Thuhet se personat pa certifikatë lejohen të dalin nga shtëpitë e tyre vetëm për të shkuar në punë ose për qëllime të tjera thelbësore.

Gjithashtu, shumë vende kulturore do të mund të rihapen të dielën, megjithëse disa nga rregullat varen nga rajoni.

Ndërsa sa u përket tubimeve apo ngjarjeve kulturore, ka kufij për numrin e njerëzve në varësi të faktit nëse ngjarja zhvillohet brenda apo jashtë.

Austria vendosi një bllokim kombëtar në fund të nëntorit, menjëherë pasi vendosi kufizime për të pavaksinuarit.

Dhe, siç thuhet më tej, infeksionet ditore kanë rënë ndjeshëm që nga vendosja e bllokimit.

Megjithatë, Qeveria ka thënë se nga shkurti do të ketë një mandat vaksinimi me gjoba nëse njerëzit refuzojnë të marrin vaksinën. Aktualisht, rreth 68% e popullsisë është e vaksinuar.