Austri: Vendpushimet, të shqetësuara për ndryshimin e masave anti-COVID

Robert Bye Avatar of user Robert Bye Robert Bye @robertbye @robertbye

Rregullat e reja të udhëtimit drejt Austrisë po çojnë në një valë anulimesh në rajonin e Salzburgut, që shquhet për resortet e sporteve dimërore.

Nga 25 dhjetori, kufizimet për personat që hyjnë në vend nga Britania e Madhe, Holanda, Danimarka dhe Norvegjia do të jenë më të forta, pasi vendet do të klasifikohen si “zona të rrezikuara”, që do të thotë se një karantinë dhjetëditore do të jetë e detyrueshme.

Nga karantina e detyrueshme do të përjashtohen vetëm ata që janë vaksinuar me dozën e tretë ose që kanë një test negativ.

Pavarësisht se shumë e përmbushin këtë kriter, shumica e njerëzve ende hezitojnë të udhëtojnë, duke ndikuar në turizmin dimëror.

Vetëm Holanda dhe Britania e Madhe përbëjnë rreth 25% të mysafirëve të dimrit të Salzburgut.

E gjithë kjo shkakton pasiguri dhe hotelierët në resortet dimërore frikësohen se sezoni tashmë ka mbaruar ende pa nisur realisht.