Austria ka vendosur të heqë ligjin e saj të detyrueshëm të vaksinimit kundër Covid

dimitry-anikin-unsplash

Austria ka vendosur të heqë ligjin e saj të detyrueshëm të vaksinimit kundër Covid, shkruan albinfo.at.

Ministrin e Shëndetësisë Johannes Rauch (Të Gjelbërit) tha se varianti “Omicron” kishte “ndryshuar situatën”. Ai tha se ligji që e bën të detyrueshëm vaksinimin kishte hapur ndarje në shoqëri dhe heqja e vaksinimit të detyrueshëm nënkuptonte një hap drejt normalitetit dhe të mësuarit për të jetuar me Covid-19.

Gjithashtu do të ndërpritet edhe projekti kërkimor “Austrian Corona Panel”, i cili ka hulumtuar pandeminë që nga fillimi i krizës së Corona.

Partitë opozitare të Austrisë kanë pasur reagime të ndryshme ndaj lajmit. Zëdhënësi i shëndetësisë nga partia SPÖ, Phillip Kucher, e përshkroi kthesën si një kulm të “dështimit të qeverisë”. Vendimi u prit mirë nga partia e ekstremit të djathtë FPÖ, e cila prej muajsh po bën presion për t’i dhënë fund vaksinimit të detyrueshëm. Sipas partisë liberale NEOS, Qeveria e ka “çmuar” vaksinimin e detyrueshëm që në fillim, raporton transmetuesi ORF. /Albinfo.ch