Ukraina

Austria kundërshton anëtarësimin e Ukrainës në BE

Ministri i Jashtëm austriak Alexander Schallenberg u shpreh kundër anëtarësimit të Ukrainës në Bashkimin Evropian dhe tha se Ukraina duhet ende të thellojë marrëdhëniet me Bashkimin Evropian.

“Ne po eksportojmë mënyrën tonë perëndimore të jetesës”, tha ai dhe theksoi se nevojitet thellimi i mëtejshëm i marrëdhënieve.
Sipas Schallenberg, Ukraina ka nevojë për një model tjetër bashkëpunimi me BE-në, në vend të anëtarësimit të plotë ose një marrëveshje asociimi, shkruan Albanian Post.

Ai tha gjithashtu se Austria mund të jetë pjesë e sistemit të mbrojtjes evropiane, duke ruajtur neutralitetin tradicional ushtarak.

“Austria nuk është politikisht neutrale kur bëhet fjalë për mbrojtjen e modelit perëndimor të jetës me të drejtat dhe liritë e saj themelore”.
Siç raportoi Agjencia e Lajmeve ukrainase, Ministria e Ekonomisë pret që Ukraina të bëhet anëtare e plotë e Bashkimit Evropian në vitin 2024.

Më 28 shkurt, Zelenskyy nënshkroi një kërkesë për anëtarësimin e Ukrainës në BE. Më 1 mars, Parlamenti Evropian rekomandoi dhënien e statusit të vendit kandidat për anëtarësim në BE, përcjell Albinfo.ch.

Tani, Bashkimi Evropian do të marrë në konsideratë dhënien e statusit të një vendi kandidat për anëtarësim në Bashkimin Evropian në samitin e liderëve në qershor.


LAJME INTERESANTE NGA INTERNETI