Austria regjistron 1,851 raste të reja me Covid

Shifrat e fundit gjatë ditës së premte tregojnë se ka rënie të numrit të të infektuarve në Austri.

Javët e fundit numri i të infektuarve në Austri me koronavirus kishte numër të madh të rasteve brenda ditës, por në këtë javë situata duket se po shkon drejt normalizimit.

Në 24 orët e fundit janë shënuar 1.851 raste të reja. Shumica e tyre në Austrinë e Epërme, por edhe Vjena me një numër të konsiderueshëm, shkruan heute.at, përcjell albinfo.ch.

Deri më tani 349,055 raste kanë rezultuar pozitive në testin e koronavirusit në Austri, ndërsa 318,154 janë shëruar.

Aktualisht, 25,118 persona janë raste aktive, ndërkohë që 642 të infektuar të tjerë janë në gjendje më kritike për jetën. /Albinfo.ch

 

---