Lajme

Avni Dehari, në listën e Vetëvendosjes për deputet

E diel, 17 Janar 2021 - 17:00 albinfo.ch

Në Listën e Vetëvendsjes të kandidatëve për deputetë për zgjedhjet e 14 shkurtit një vend i është rezervuar edhe Avni Deharit, babait të Arbnor e Astrit Dehari, ish-aktivistë të shquar të Lëvizjes Vetëvendosje, të cilët nuk jetojnë më.

“Besoj fuqishëm se kemi arritur të përgatisim një listë, e cila e reflekton apo i përgjigjet kaq fuqishëm kësaj përkrahje nga qytetarët tanë. Ajo që është shumë më e rëndësishme, është fakti që deri më sot nuk ka pasur një listë të kandidatëve që ka më shumë gra. Në listën tonë janë 41 gra, secila më e mirë se tjetra. Në dhjetëshen e parë janë pesë gra e pesë burra”, tha Besnik Bislimi të shtunën, gjatë dorëzimit të listave në KQZ.