Lajme
Barometri politik: Cili ministër merr notën më të lartë nga populli i Zvicrës
Alain Berset (PS) ka marrë vlerësimin më të mirë në konkurrencë me ministrat tjerë federalë. Kështu, nota e tij që del nga ky sondazh është 4.33
Sipas sondazhit më të fundit zgjedhor të publikuar nga Tamedia dhe “20 Minuten” të mërkurën, të Gjelbrit nuk mund të përsërisin suksesin e tyre historik zgjedhor të vitit 2019. Sondazhi online i kryer në dhjetor të vitit që iku, tregon se partia ka humbur 1.5 pikë përqindje dhe do të kishte aktualisht 11.7 për qind të votave.
Nga ana tjetër, SVP do të vazhdojë të jetë partia më e fortë në vend, transmeton albinfo.ch. Me një rritje prej 1.4 pikë përqindjeje në 27.0 për qind, ajo mund të rrisë paksa epërsinë e saj në krahasim me partitë tjera.
Liberalët e gjelbër (GLP) mund të rriten edhe më qartë në krahasim me zgjedhjet e 2019-ës; sondazhi tregon një rritje prej 2.4 pikë përqindjeje më të madhe të votave. Megjithatë, me 10.2 për qind, GLP do të mbetet ende pas të Gjelbërve.
Anketa nuk parashikon ndonjë ndryshim të rëndësishëm statistikor për PS-në 16.2 për qind, FDP 15.4 dhe të mesmen (Mitte), 13.3%.
Anketa konfirmon tendencat e konstatuara nga barometri zgjedhor i SRG-së nga tetori i kaluar. Kjo parashikonte fitime të ngjashme për SVP dhe GLP.
Sidoqoftë, sondazhet janë fotografi të çastit; deri në zgjedhjet e Këshillit Kombëtar mund të shfaqen trende të reja.
Berset merr notën më të lartë nga populli
Alain Berset (PS) ka marrë vlerësimin më të mirë në konkurrencë me ministrat tjerë federalë. Kështu, nota e tij që del nga ky sondazh është 4.33. Simpatizantët e PS atij i kanë dhënë notën 5.3 ndërsa ata të SVP-së, vetëm 2.67.
Vlerësimi i tij me notën më të lartë (jo vetëm në këtë sondazh), sipas njohësve të skenës politike zvicerane vjen në radhë të parë si rezultat i pranisë së tij të madhe mediale gjatë dy viteve të pandemisë.
Por edhe identifikimi i shumicës së popullatës zvicerane me politikën e ndjekur nga qeveria në lidhje me pandeminë është paqyruar në simpatinë e shprehur për ministrin e shëndetësisë, Alain Berset, transmeton albinfo.ch.
Paraqitja e tij “prej burrështetasi” ka po ashtu pjesën e saj në vlerësimin e lartë që i është bërë Bersetit në këtë sondazh, mendojnë njohësit e politikës zvicerane.
Nga ana tjetër, vetëm Ueli Maurer (SVP) me 3.75 dhe Ignazio Cassis (FDP) me 3.51 qëndrojnë nën notën 4.
Ajo që është e dukshme në këtë rast është se Maurer ka marrë notën pothuajse 5 të plotë nga mbështetësit e partisë së tij ndërsa Cassis vetëm 4.25 nga bashkëpartiakët e tij (FDP).
Këshilltarja Federale Viola Amherd (Qendra) ka arritur rezultatin e dytë më të mirë, e ndjekur nga këshilltarët federalë Guy Parmelin (SVP), Karin Keller-Sutter (FDP) dhe Simonetta Sommaruga (PS).
Për realizimin e këtij sondazhi janë pyetur afër 20 mijë respondentë.
Të ngjashme
Të tjera nga Lajme
E-Diaspora
-
Mërgimtari nga Suhareka vdes në një aksident tragjik në Itali Raportohet se Haris Shala është 25-vjeçari shqiptar që humbi jetën një ditë më parë në një...
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
Jeta në Zvicër
-
Zvicër: Thirrje për kujdes për personat që kanë vendosur tashmë goma verore Moti aktual kërkon goma dimërore. Prandaj, drejtuesit e mjeteve që kanë vendosur tashmë goma verore duhet...
-
Studim: Mirëqenia në Zvicër është rritur ndjeshëm në 30 vjetët e fundit
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër