Bashkimi Evropian kërkon nga Kuvendi konsensus politik dhe ndërprerje të bojkotit

Bashkimi Evropian ka shprehur shqetësimin me mungesën e përpjekjeve për ndërtimin e konsensusit ndërpartiak mes grupeve parlamentare për çështje të ndryshe në Kuvendin e Kosovës, teksa i ka bërë thirrje Kuvendit të ndërpresë ciklin e bojkotit dhe mospjesëmarrjen në votim, përcjell albinfo.ch.

“Kjo pengon dhe shtyn një numër reformash që direkt ndikojnë në mirëqenien e qytetarëve të Kosovës, zhvillimin socio-ekonomik dhe fuqizimin e institucioneve të Kosovës dhe demokracinë. Prandaj, u bëjmë thirrje të gjitha grupeve parlamentare të gjejnë gjuhë të përbashkët për të ardhmen e Kosovës dhe që të përfitojnë qytetarët e saj”, ka thënë BE-ja në një përgjigje për KOHËN.

Ndryshe, për një kohë PDK, LDK dhe AAK kanë bojkotuar votimet në Kuvend teksa deputetët e këtyre partive nuk kanë marrë pjesë në votime, përveç ku është hedhur një propozim nga ta.

Sot është arritur konsensus për votimin e disa marrëveshjeve ndërkombëtare.