Kultura
Bazel: Shoqata kulturore „SwiKos“ organizon festivalin e pestë të filmit
Bisedë me Florim Brajshorin, organizator i Festivalit të filmit të shkurtër “Swikos” në Basel
Albinfo.ch: Edhe këtë vit në Bazel mbahet festivali i filmit për disa vite me radhë nën organizimin e „SwiKos ». A mund të thuhet se ky aktivitet po merr formën e traditës, të një aktiviteti kulturor?
F. Brajshori: Është radha e pestë që festivali i filmit „Swikos“ pret mysafirë dhe artistë nga gjithë Evropa, është bërë tradicional me ndihmën e shumë aktivistëve. Jemi rreth 30 organizatorë që kemi punuar gjatë tërë vitit për tre ditët e festivalit që mendoj se do jetë një kënaqësi të jesh pjesëmarrës në të.
Albinfo.ch: A mund të na flisni pak më shumë për interesimin e publikut në përgjithësi dhe në veçanti për publikun shqiptar?
F. Brajshori: Interesimi i publikut për çdo herë po vjen duke u rritur. Për publikun shqiptar këtë vit ende pritet edhe pjesëmarrje më e madhe se sa viteve të kaluara.
Albinfo.ch:Cilët filma e trajtojnë temën e emigrantëve dhe integrimin e tyre në vendlindjen e dytë?
F. Brajshori:Kemi katër filma që trajtojnë temën e imigrantëve, por këtë surprizë do ta zbulojmë në sallën e festivalit. Filmat janë punuar me shumë profesionalizëm.
Albinfo.ch:Cilat debate trajtohen më shumë rreth këtij lloj arti artistik?
F. Brajshori:Temat do të përcaktohen gjatë ditëve të festivalit, të cilat do të debatohen të dielën me të gjithë regjisorët, kur do të ketë edhe debate dhe pyetje me gazetarë dhe publikun.
Albinfo.ch: Sponzorët dhe mediat në tërë këtë organizim luajnë një rol të rëndësishëm. Sa e keni konkretizuar funksionalitetin e këtyre dy faktorëve?
F. Brajshori: Deri tani na është konfirmuar ardhja e gjashtë mediave dhe e shumë gazetarëve. Mediat luajnë një rol të rëndësishme në çdo festival. Pjesëmarrës do jenë aktorët e mëdhenj Enver Petrovci, Isa Qosja e shumë artistë të skenës shqiptare dhe evropiane.
Albinfo.ch: A do të ketë shpërblime si zakonisht?
F. Brajshori: Po, si zakonisht sivjet kemi punuar edhe statujën në flakë ari dhe kemi çmime prej 1000 CHF, për film më të mirë. etj.
http://www.albinfo.ch/e-diaspora/kultura/swikos-kinemat%C3%AB-shqiptare-para-publikut-zviceran-45412
Info: Festivali treditor do të mbahet më 25, 26 dhe 27 nëntor 2011.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Pse Zvicra subvencionon tarifat vetëm për disa studentë të huaj? Ndërsa studentët ndërkombëtarë duhet të paguajnë tarifa më të larta shkollimi se sa homologët e tyre...
-
Prodhuesi zviceran i thikave të ushtrisë në përpjekje për të përmbushur kufizimet globale të tehut
-
Ndërprehet linja e trenit midis Brig në Valais dhe Italisë
-
Gjuha shqipe forcon integrimin
-
Studimi i ri zbulon se ku në Zvicër punonjësit fitojnë më shumë dhe më pak