BB donator i granteve për punësimin e të rinjve

Me projektin "Punët Publike Kosova 2011" synohet edukimi dhe punësimi i qëndrueshëm i të rinjve në Kosovë

Në bazë të një projekti të Ministrisë së Punës dhe Mirëqenies Sociale të Kosovës kanë përfituar 30 komuna të Kosovës, ndërsa donator është Banka Botërore (BB).

Me projektin “Punët Publike Kosova 2011” synohet edukimi dhe punësimi i qëndrueshëm i të rinjve në Kosovë.

Kryetarë e përfaqësues të komunave përfituese të granteve sot kanë nënshkruar memorandumin e mirëkuptimit me Ministrinë e Punës dhe Mirëqenies Sociale, për realizimin e projekteve të ndryshme komunale.

Ministri i Punës dhe Mirëqenies Sociale, Nenad Rashiq ka thënë se të gjitha komunat që kanë aplikuar kanë fituar së paku me nga një projekt. Ministri ka shprehur keqardhjen për komunat që nuk kanë aplikuar fare, duke theksuar rëndësinë e këtij projekti në punësimin sezonal të të rinjve.