BE-ja, e shqetësuar për pastrimin e parave në bankat evropiane

BQE tërhoqi licencën e Pilatus Bank, pasi kryetari i bankës u akuzua në Shtetet e Bashkuara për pastrimin e parave dhe mashtrimin e bankave

Qeveritë e Bashkimit Evropian kanë arritur një marrëveshje paraprake për të ndalur pastrimin e parave duke forcuar mbikëqyrjen e bankave nëpërmjet Autoritetit Bankar Evropian (EBA).

BE ka qenë e shqetësuar nga skandalet e pastrimit të parave këtë vit, duke përfshirë hetimet në 200 miliardë euro ($ 229 miliardë) pagesa të kryera nëpërmjet degës së Estonisë të Danske Bank, rënies së ABLV Bankës së Letonisë dhe mbylljes së Bankës Pilatus të Maltës.

Reforma u shty nga Komisioni i BE-së në shtator pas rasteve të pastrimit të parave në disa banka të BE-së që “ngriti shqetësime se rregullat kundër pastrimit të parave nuk mbikëqyren dhe zbatohen efektivisht në gjithë BE-në”, tha një deklaratë e BE-së.

EBA do të ishte në gjendje që direkt të detyronte bankat individuale të merrnin masa kundër pastrimit të parave, nëse autoritetet kombëtare nuk veprojnë, transmeton ‘Scan’.

BQE tërhoqi licencën e Pilatus Bank, pasi kryetari i bankës u akuzua në Shtetet e Bashkuara për pastrimin e parave dhe mashtrimin e bankave, transmeton albinfo.ch.

Sipas reformës, EBA, e cila po lëviz nga Londra në Paris pas Brexit, do të ketë fuqi të reja për të detyruar mbikëqyrësit kombëtarë të hetojnë rastet e shkeljeve të dyshuara të rregullave kundër pastrimit të parave. Në raste të jashtëzakonshme, kur mbikëqyrësit kombëtarë nuk veprojnë brenda afateve të caktuara, EBA mund të marrë masa ndaj një banke “duke kërkuar që ajo të ndërmarrë të gjitha masat e nevojshme për të përmbushur detyrimet e saj”, tha Komisioni Ekzekutiv i BE-së.

Por vendimet mbi gjobat do të mbeten në duart e shteteve anëtare, disa prej të cilëve kanë treguar pak interes në imponimin e sanksioneve, duke u frikësuar nga dëmtimi i reputacionit. Udhëzimet ndërkombëtare thonë se shpallja e sanksioneve është një nga mjetet më efektive për të parandaluar pastrimin e parave. EBA tashmë ka fuqinë për të hetuar shkeljet e rregullave të pastrimit të parave dhe e bëri këtë kundër Maltës në mbikëqyrjen e Bankës Pilatus. Nën rishikim, EBA do të merrte më shumë kompetenca dhe staf, por do të vazhdojë të varet nga ligjet e paqarta që e kanë penguar atë të veprojë në të kaluarën.

EBA pranoi se nuk mund të vazhdonte hetimin e saj në mbikëqyrësit financiar të Maltës për shkak të mungesës së qartësisë në rregullat e BE-së, të cilat nuk do të ndryshojnë. Sipas reformave, EBA do të merrte 10 punonjës të rinj nga dy, tani për të monitoruar rreziqet e pastrimit të parave në mijëra banka të BE-së. BQE ka bërë thirrje për një agjenci të re me më shumë burime të dedikuara për këtë detyrë, por këto thirrje janë kundërshtuar nga shtetet anëtare që preferojnë të mbajnë kontrollin kombëtar.

---