BE ia heq Zvicrës barrierat për marrëdhëniet tregtare

Presidentja e federatës, Doris Leuthard është shprehur e kënaqur me përgjigjen pozitive të ardhur nga BE-ja. Ky është një hap i parë drejt normalizimit të marrëdhënieve me BE-në, ka thënë ajo

Bashkimi Evropian ka vendosur që t`i vijë në ndihmë Zvicrës për tejkalimin e barrierave teknike në fushë të tregtisë. Këtë e tregon me heqjen dorë nga bllokada që ka pasur në lidhje me këtë dosje.

Marrëveshja për heqjen e barrierave teknike të tregtisë ka rëndësinë e vet të madhe për ndërmarrjet ose firmat. Me ekzistimin e një marrëveshjeje të tillë, firmat zvicerane nuk detyrohen që të certifikohen vetë për tregun e BE-së. Kjo për faktin se u mjafton leja e Zvicrës.

Presidentja e federatës, njëherësh ministre për trafik dhe energji, Doris Leuthard është shprehur e kënaqur me përgjigjen pozitive të ardhur nga BE-ja. Ky është një hap i parë drejt normalizimit të marrëdhënieve me BE-në, ka thënë ajo.

Nisur nga fakti se standardet e industrisë zhvillohen në vazhdimësi, marrëveshja do të përshtatet në mënyrë të rregullt periodikisht. Këtë përshtatje BE-ja e kishte bllokuar gjatë muajve të fundit.