BE-ja ndan 110 milionë euro grante për infrastrukturën rrugore në Shqipëri

Peter Wormstetter

Është bërë e ditur se delegacioni i Bashkimit Europian në Shqipëri tha se BE-ja ka siguruar më shumë se 110 milionë euro grante për infrastrukturën rrugore në Shqipëri, përcjell albinfo.ch.

Delegacioni i Bashkimit Europian shprehet se “që prej vitit 2010, BE-ja ka siguruar më shumë se 110 milionë euro grante për infrastrukturën rrugore në Shqipëri, duke rindërtuar më shumë se 700 km rrugë nacionale dhe dytësore”.

“Kjo mbështetje ka përmirësuar standardet e rrjetit rrugor, duke kontribuar në përmirësimin e ndërlidhjes dhe krijimin e mundësive të reja tregtare për bizneset vendore”, shprehet Delegacioni i Bashkimit Europian.

Po ashtu, Delegacioni i Bashkimit Europian ka shpërndarë një video, ku tregohen investimet në infrastrukturë.

Në videon e shpërndarë nga Delegacioni i Bashkimit Europian thuhet se “Shqipëri aspiron të anëtarësohet në BE dhe po bën përmirësime të shpejta për të përmirësuar standarde e rrjetit të saj rrugor. Në këtë kontekst BE ka mbështetur Shqipërinë përmes projekteve, ekspertizës dhe ndihmës financiare për të përmirësuar infrastrukturën rrugore, mirëmbajtjen dhe sigurinë e rrugëve. BE ka siguruar më shumë se 110 milionë euro për infrastrukturën e rrugëve, falë kësaj mbështetje Shqipëria dhe BE-ja rindërtuan më shumë se 700 km rrugë dytësore, këto projekte kontribuojnë për një rritje më të madhe të shkëmbimit ekonomik të Shqipërisë me vendet fqinje. BE gjithashtu ka mbështetur për forcimin e institucioneve përgjegjës për transportin rrugor dhe ka ndihmuar për të përafruar legjislacionin shqiptar në sektorin e transportit me atë të BE-së. Për sa i përket transportit rrugor, BE ka ndihmuar Shqipërinë që t’i kushtojë rëndësi mirëmbajtjes së rrugëve. Strategjia Kombëtare e transportit e mbështetur nga BE pritet të bëjë një ndryshim të prekshëm si për njerëzit, ashtu dhe për mjetet në të gjithë rajonin”.