BE nuk bën pazare me Shqipërinë e Maqedoninë

Ai ka komentuar edhe politikat e BE-së ndaj Shqipërisë e Maqedonisë pas vendimit për hapjen e mundshme të negociatave në vitin 2019

KEY

Ministri i Jashtëm gjerman, Michael Roth thotë se Bashkimi Evropian nuk bën pazare me Shqipërinë dhe Maqedoninë për hapjen e negociatave për anëtarësim.

Në një intervistë për “Deutsche Welle”, ai ka theksuar se Shqipëria dhe Maqedonia kanë bërë një hap mjaft të madh përpara në rrugën e tyre drejt BE-së, përcjell albinfo.ch.

Ai ka komentuar edhe  politikat e BE-së ndaj Shqipërisë e Maqedonisë pas vendimit për hapjen e mundshme të negociatave në vitin 2019, përcjell albinfo.ch.

“Nuk ka pazare ndërmjet Bashkimit Evropian dhe këtyre dy shteteve. Ne ia njohim Ballkanit Perëndimor që deri tani ka bërë shumë për pranimin e refugjatëve, prandaj nëse këto vende tregohen të gatshme për të na ardhur në ndihmë për politikat e refugjatëve dhe të emigrantëve, nuk do të ketë rabat në politikat e zgjerimit dhe më duket e padrejtë të ushtrohet presion ndaj këtyre dy shteteve, sepse njëra nuk ka lidhje me tjetrën”, ka thënë ai.

Por, çfarë duhet të ketë arritur Shqipëria konkretisht deri në qershor 2019? “Shqipëria është bërë etalon me procesin e Vettingut për forcimin e pavarësisë së gjyqësorit dhe presim që procesi i rivlerësimit të gjykatësve dhe të prokurorëve më të rëndësishëm të dalë me sukses. Ky është njëri prej sektorëve. Nëse do të luftohet më me forcë edhe krimi i organizuar, atëherë kjo sigurisht që do ta rrisë besueshmërinë, sidomos te ato shtete që ende kanë rezerva”, theksoi ai.