Befasohen nga AAK-ja: “Fitorja e VV-së është më e thellë sesa kemi pritur”

"Po duket se fitorja e VV-së është më e thellë sesa kemi pritur – qytetarët vendosin sepse vota është e tyre”, tha Gjini

Në një prononcim të fundit, kryetari i Komunës së Gjakovës, Ardian Gjini, ka thënë se Lëvizja Vetëvendosje ka fituar në Gjakovë në zgjedhjet parlamentare.

Në një lidhje direkte në Klan Kosova, ai i ka uruar qytetarët dhe fituesit e zgjedhjeve.

“VV ka fituar në Gjakovë, i uroj qytetarët e komunës së Gjakovës për zgjedhjen që e kanë bërë. AAK i ka deri diku deri 10 mijë vota deri tani. Në komunë unë punën do ta vazhdoj ashtu si kam punuar deri më tani. Po duket se fitorja e VV-së është më e thellë sesa kemi pritur – qytetarët vendosin sepse vota është e tyre”, tha Gjini.

Deri më tani në këtë komunë është duke prirë partia e Albin Kurtit, Vetëvendosje me 50.32% përkthyer në numër të fletvotimeve 10.408 deri partia e dytë është ajo 26,33%. /Albinfo.ch

---