Kosova
Befason “The Guardian”: Serbia mund të ndërhyjë në Kosovë
Sipas gazetës së njohur britanike, “The Guardian”, Serbia është duke e shqyrtuar ndërhyrjen e mundshme ushtarake në Kosovë, pasi Kuvendi i Kosovës e miratoi njëzëri formimin e ushtrisë.
Beogradi e ka quajtur këtë veprim si kërcënimin më të drejtpërdrejtë për paqen dhe stabilitetin e rajonit, ndërsa shefi i NATO-s ka thënë se formimi i ushtrisë nuk po bëhet në kohën e duhur.
Votimi i ushtrisë u bë me 107 vota për dhe asnjë kundër. Pjesë e votimit ishin tri ligje. Në to parashihet edhe rritja e numrit të pjesëtarëve, themelimi i Ministrisë së Mbrojtjes dhe ndryshimi i detyrave dhe misionit të Forcave të Armatosura. Të vetmit që e kanë bojkotuar votimin kanë qenë deputetët e pakicës serbe, përcjell albinfo.ch.
Sipas gazetës së njohur britanike, Serbia këmbëngul se ushtria e re e shkel rezolutën e Kombeve të Bashkuara e cila e shënoi fundin e luftës në Kosovë. Ajo ka kërcënuar se mund të ndërhyjë ushtarakisht në ish-provincën e saj. Kryeministrja e Serbisë, Ana Bërnabiq, tha se ndërhyrja e armatosur është njëra nga opsionet që i kanë mbi tavolinë.
Ndërkohë, ministri i Punëve të Jashtme të Serbisë, Ivica Daçiq ka thënë se do të kërkojë mbajtjen e një seance urgjente të Këshillit të Sigurimit të OKB-së për shkak të vendimit të Kosovës për transformimin e FSK-së në Ushtri.
“Serbia do të kërkojë sot një seancë urgjente të Këshillit të Sigurimit të OKB-së për shkak të shkeljes më të madhe të Rezolutës 1244 të Këshillit të Sigurimit të OKB-së, duke miratuar vendimin e Prishtinës për të formuar të ashtuquajturën Ushtri të Kosovës”, tha ministri i jashtëm i Serbisë, Ivica Daçiq.
“Ky është kërcënimi më i drejtpërdrejtë për paqen dhe stabilitetin në rajon dhe sigurinë e popullit serb që jeton në Kosovë dhe Metohi”, tha Daçiqi për Tanjugun.
Të ngjashme
Të tjera nga Kosova
E-Diaspora
-
Shkolla shqipe në SHBA, me qindra nxënës shqiptarë Shkolla Shqipe e fundjavës themeluar në janar 2009 nga një grup mësuesësh e vullnetarësh, pranë qendrës...
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
Jeta në Zvicër
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria “Sfida dhe suksesi në karrierë” ishte tema e simpoziumit të Lidhja e Mjekëve Shqiptarë të Zvicrës...
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së
-
Qendra prezanton dy iniciativa për taksim më të mirë për të martuarit
-
Swissmedic ngre alarmin kundër ilaçeve të paligjshme për humbje peshe