Bëhen bashkë kundër radikalizmit në Winterthur

Të premten për herë të parë politikani shqiptar, Blerim Bunjaku, i bën bashkë udhëqësit e Winterthurit me imamët e xhamive në Winterthur.

Blerim Bunjaku thotë të ketë për synim gjetjen e një rrjeti të përbashkët për ta luftuar radikalizmin në Winterthur.

“Xhamitë në Winterthur janë kundër radikalizmit”, thotë për albinfo.ch Blerim Bunjaku.

„Ata njerëz, të cilët promovojnë në Winterthur Xhihadin, u takojnë sekteve me të cilat shumica e besimtarëve nuk kanë të bëjnë asgjë”, thekson ai.

Kjo është arsyeja pse ai synon për të organizuar një rrjet të xhamive në Winterthur.

“Xhamitë problemin në Winterthur-in duhet ta trajtojnë së bashku me autoritetet”, thotë Bunjaku.

Qëllimi është për të gjetur një strategji të përbashkët në rastet kur është i  theksuar radikalizimi te besimtarët.

„E mira e gjithë kësaj është nëse përfshihen edhe autoritetet”, thotë Bunjaku.

Të huajtë kanë vështirësi për të raportuar  tendencat e radikalizmit te fëmijët. Pikërisht për këtë do të ndihmojë rrjeti i xhamive në Winterthur”, shpreson Bunjaku.

„Prindërit që dyshojnë në radikalizimin e fëmijëve të tyre është më lehtë të kontaktojnë me xhamitë, sesa me autoritetet“, thotë Bunjaku.

Se si do të organizohet ky rrjet, ende mbetet gjithçka e hapur.

Bunjaku thotë të jetë në fillim dhe se do të ketë bashkëbisedime edhe me organizata të tjera.

Ngjarja do të organizohet këtë të premte, nga ora 13 deri 14.
Adresa:
Shoqata Shqiptare Islamike
Zürcherstrasse 300
8406 Winterthur