Bendi i Altin Asllanit, “rok bendi me potencialin më të madh në Zvicër”

“Qëkur kam njohur `Pablo Infernal” unë nuk mërzitem më për rininë e sotme. Ata janë rreth të 20-tave, flasin dhe citojnë Deep Purple, Frank Zappa, Beatles, Led Zeppelin me siguri absolute stili dhe kanë potencial siç nuk ka pasur asnjë rok bend zviceran prej kohësh”

Rok-bendi nga Cyrihu, «Pablo Infernal» të cilin e udhëheq Altin Asllani është zgjedhur nga transmetuesi publik i Zvicrës Radio SRF3 si bendi më i mirë për muajin nëntor. Çmimi jepet live nesër, më 2 nëntor, nga ora 19. “Fituesi i `Best Talent` për nëntor ka më shumë potencial se të gjitha aktet e rokut prej një kohe të gjatë në Zvicër, shkruan srf.ch.

Kur dëgjon tingujt e “Best Talents” ndjehesh sikur je në një udhëtim nëpër kohë, transmeton albinfo.ch. Dhe kjo nuk është e rastit: ndikimet dhe frymëzimi i “Pablo Infernal” burojnë nga bendet si Deep Purple, Led Zeppelin ose Frank Zappa, mund të lexohet më tutje në artikull.

“Kënaqësia me të cilën bendi nga Cyrihu hidhet pa frikë nga kontakti në kënetën e klisheve të viteve të shtatëdhjeta, është atuja e albumit të tij debutues “Lightning Love”. Pablo Infernal me këtë ka hedhur zarin e duhur”.

Bendi me një moshë mesatare prej vetëm 20 vjetësh e cilëson muzikën e vet si “High-Energy Rock`n`Roll, përcjell albinfo.ch. Ose thënë ndryshe: Pablo Infernal nuk pëlqejnë gjërat “e hekurosura në mënyrë perfektë” por synojnë drejt një “papastërtie” të caktuar. Ata e gjejnë burimin e tyre në vitet `70 kur muzika, sipas mendimit të tyre ishte ende e pasofistikuar (e virgjër) dhe jetonte nga emocionet. Dhe në fakt ata ia kanë dalë që këtë vepër arti ta transportojnë saktësisht në të tashmen.

“Qëkur kam njohur `Pablo Infernal” unë nuk mërzitem më për rininë e sotme. Ata janë rreth të 20-tave, flasin dhe citojnë Deep Purple, Frank Zappa, Beatles, Led Zeppelin me siguri absolute stili dhe kanë potencial siç nuk ka pasur asnjë rok bend zviceran prej kohësh”, thotë redaktori i SFR3 Dominic Dillier.

“Pablo Infernal” e dinë saktësisht se çfarë duan e çfarë jo. Dhe jo vetëm nga ana muzikore, ata janë perfeksionistë. Në këtë kuptim, edhe albumi “Lightning Love” ka qëndruar në dollap për tre vjet deri sa ka dalë në dritë, transmeton albinfo.ch. Bendi `frontmann`i të cilit është Altin Asllani, ka marrë në konsideratë edhe goditje dhe vuajtje deri sa, me labelin austriak Kleio Records falë rrethanave me fat, ka gjetur editorin e duhur.

albinfo.ch ka qenë e pranishme në editimin e albumit të “Pablo Infernal” dhe ka zhvilluar një intervistë me Altinin, të cilën do ta publikojë këto ditë.

(Fotot: Adnan Asllani)