Lajme

Pensionohet ish-ylli i Juventusit, kapiteni i Zvicrës

Është bërë e ditur se ish-mbrojtësi i Lazios, Juventusit e Arsenalit, Stephan Lichtsteiner, është pensionuar nga futbolli në moshën 36-vjeçare, transmeton albinfo.ch.

Kapiteni i Zvicrës ka njoftuar pensionimin pas një kohe të shkurtër të kaluar së fundi te Augsburg në Bundesligë.

Thuhet se mbrojtësi ka kaluar 10 vjet në Serie A, duke fituar Kupën dhe Superkupën e Italisë me Lazion, para se të lëvizte për të vazhduar me suksese edhe te Juventus.

Lichtsteiner ka fituar shtatë tituj të Serie A me Juventusin, ndërsa në vitin 2019 i ishte bashkuar Arsenalit.

Veteani është paraqitur 108 ndeshje për Zvicrën, duke luajtur tri Kupa të Botës dhe dy Kampionate Evropiane.

Të gjithë kujtojmë festën e tij me shqiponjë në fitoren e Zvicrës ndaj Serbisë në Kupën e Botës, fitore që erdhi falë golave të Granit Xhakës dhe Xherdan Shaqirit. /Albinfo.ch