Berisha nga Australia në Japoni

Ai kishte thyer rekordin e golave në futbollin australian dhe do të mbetet në histori

Keystone

Sulmuesi shqiptar Besart Berisha është larguar nga kampionati australian pas shtatë vitesh për t’u transferuar te kryesuesit e kampionatit japonez Sanfrece Hiroshima.

32-vjeçari largohet nga Australi me katër tituj kampion dhe 116 gola të shënuar, duke fituar dy herë “Këpucën e artë” dhe duke qenë golashënuesi më i mirë i historisë, përcjell albinfo.ch.

“Kam emocione të përziera tani, pasi kam kaluar një eksperiencë shumë të mirë te Viktoria dhe në Australi. E kam pak të vështirë tani, por është vendimi i duhur për t’u larguar. Dua të falënderoj tifozët që më kanë përkrahur në momente të mira, por dhe në kohë të vështira”,  u shpreh Berisha.

Berisha do të nis një aventurë të re në kampionatin japonez dhe dihet që ky kampionat është shumë herë më i zhvilluar se ai australian. Një hap i rëndësishëm në karrierë për sulmuesin shqiptar.