Kultura
“Besa” nga Biel/Bienne shënoi 10-vjetorin dhe Ditën e Flamurit
Në kuadër të kësaj shoqërie funksionojnë grupi i fëmijëve, grupi dramatik dhe grupi folklorik ku janë përfshirë mëse 50 anëtarë
Në praninë e një numri të madh bashkatdhetarësh, kryesisht të rinj e të reja që jetojnë në Biel/Bienne me rrethinë, SHKA “Besa”, përmes një tubimi festiv shënoi 10-vjetorin e themelimit dhe 28 Nëntorin- Ditën e Flamurit Kombëtar të cilin për mrekulli e udhëhoqi moderatorja Majlinda Dibra.
SHKA “Besa”, Dollogozhdë, mysafire e Besës nga Biell-Bienne Në fjalën e rastit, kryetari dhe koreografi i “Besës”, Adem Ibrahimi, foli për momentet e para të themelimit në lokalet e shtypshkronjës “Schüler” nga një grup entuziastësh, për të vazhduar pastaj në kushte të vështira. “Ne na ka ndihmuar shumë vullneti i madh që kemi pasur gjatë gjithë këtyre viteve për të bërë diçka të mirë në ruajtjen e traditave dhe kulturës sonë të lashtë. Gjithashtu ai vlerësoi kontributin e madh që ka dhënë klubi shqiptar i udhëhequr nga veprimtari, Qamil Misini, pastaj Këshilli i Prindërve në krye me Kujtim Tahirin, mjeshtri i zërimit, Ziber Dibra dhe sidomos mësuesja Zarife Ziberi, e cila çdo herë ka qenë në hap me shoqërinë tonë dhe në programet që kemi shfaqur para publikut. Ai falënderoi po ashtu donatorët shqiptarë të cilët në hap me rritën e shoqërisë, kanë kontribuar me mjete financiare në organizimin e festave kombëtare në Biel/Bienne dhe rrethinë. Në këtë kuadër duhet veçuar sidomos, Xhavit Salihun, ndihma e të cilit gjithnjë na ka dhënë shpresë dhe besim për vazhdimin e punës”, tha veç tjerash kryetari i “Besës”, z. Ibrahimi. Ai pastaj përmendi pjesëmarrjen e SHKA “Besa” në dhjetëra takime e tubime me karakter kombëtar anë e mbanë Zvicrës, pjesëmarrjen në festivalet e ndryshme folklorike në Zvicër dhe sidomos përfaqësimin e komunitetit shqiptar në festat multikulturore në Biel/Bienne, duke i kontribuar kështu ruajtjes së traditave dhe integrimit të komunitetit shqiptar në shoqërinë zvicerane. Në kuadër të kësaj shoqërie funksionojnë me sukses grupi i fëmijëve, grupi dramatik dhe grupi folklorik në të cilat janë përfshirë më se 50 anëtarë. Në kuadër të programit festiv , u shfaq një koncert i shkëlqyeshëm me këngë e valle nga simotra SHKA “Besa” nga fshati Dollogozhdë e Strugës të cilët kishin ardhur enkas për festën e 28 Nëntorit dhe 10-vjetorin e SHKA “Besa” të Biel/Biennit. Për kontributin e madh, u nderuan me nga një dhuratë të gjithë anëtarët e shoqërisë dhe disa nga veprimtarët e dalluar, ndërkaq me disa pika muzikore u paraqitën edhe vëllezërit Alimusaj, Fatlum Musliji, me këngët e të cilëve të pranishmit festuan deri në orët e vona.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë