Bitcoin-i shënoi rekordin e ri historik pas deklaratës së Trumpit

Bitcoini ka arritur një rekord të ri këtë të hënë, duke kaluar vlerën 106,000 dollarë në tregjet aziatike. Rritja e kriptovalutës për këtë vit është 192%, ku vetëm pas fitores së Trumpit në zgjedhjet presidenciale të nëntorit, Bitcoin u rrit me 50%.

Donald Trump, i cili dikur e quajti kriptomonedhën një mashtrim, e ka përqafuar teknologjinë e aseteve dixhitale gjatë fushatës së tij. Ai premtoi se do ta shndërronte SHBA-në në “kryeqytetin e kriptove të planetit” dhe sugjeroi krijimin e një rezerve strategjike të Bitcoin, të ngjashme me rezervën strategjike të naftës.

Në një deklaratë për CNBC-në javën e kaluar, Trump tha:
“Ne do të bëjmë diçka të mrekullueshme me kripto-n, sepse nuk duam që Kina apo ndonjë tjetër të na e kalojë. Ne duam të jemi në krye”.

Presidenti i zgjedhur ka emëruar gjithashtu David Sacks, ish-ekzekutiv i PayPal dhe mik i ngushtë i Elon Muskut, si përfaqësues të Shtëpisë së Bardhë për inteligjencën artificiale dhe kriptovalutat.

Remove Body Fat By Liposuction In Mexico (See Prices)
Liposuction I Search Ads
by Taboola
Gjatë këtij kulmi historik, Bitcoini, kriptomonedha më e madhe dhe më e njohur në botë, arriti një vlerë maksimale prej 106,533 dollarësh. Ndërkohë, Eteri, kriptomonedha e dytë më e madhe, shënoi një rritje prej 1.5%.

Analisti i platformës tregtare IG, Tony Sycamore, tha për këtë zhvillim:
“Ne jemi në territorin e qiellit blu këtu. Shifra tjetër që tregu do të synojë është 110,000 dollarë”.

Rritja e Bitcoinit vjen mes pritshmërive për politika më miqësore rregullatore në SHBA nën administratën e re të Donald Trumpit dhe një mbështetjeje të shtuar për asetet dixhitale në nivel global.