Foto: Ana Lasa& SBFV
Sport
Bodybuilderi nga Kosova i pari në garën Swiss Class të Zvicrës
I prekur nga mikpritja zvicerane, Grabovci thotë: "Jam rritë duke e parë gjithmonë këtë shtet mik në mbështetje të Kosovës dhe nëse garat e bodybuildingut nuk i bijnë me një datë kur kosova është në konkurrencë, kisha sakrifiku gjithçka për këtë popull mikpritës duke i përfaqësuar me shumë dëshirë ngjyrat e Zvicrës“.
Kampioni i Kosovës në 2016, Flamur Grabovci, ka fituar të artën në kategorinë plus 80 kilogram në garat e bodybuildingut zviceran „Swiss Class“ të mbajtur në Estavayer.
Në këtë garë kanë marrë pjesë 40 atletë ne katër kategori. Përveç Grabovcit, vendin e parë e ka fituar edhe shqiptari tjetër Ibrahim Vranovci në kategorinë plus 90 kilogram.
Flamuri ka thënë për albinfo.ch se çelësi i suksesit është puna e tij prej 14 vjetësh stërvitje aktive.
„Bodybuilding kërkon shumë durim e kohë për t’i formuar muskujt në nivelin maksimal. Vitin e kaluar jam shpall kampion i Kosovës, sivjet me 2017 i Zvicrës kurse më 3 maj e kam garën evropiane dhe jam në formë shumë të mirë e kam besim se do ia dalë me sukses“, shprehet Grabovci.
Për formën e tij të mirë ai thotë ta ketë arritur vetëm falë mbështetjes së bashkatdhetarëve të tij që jetojnë në Zvicër, me ndihmën e të cilëve ka nënshkruar kontratë me dy kompani zvicerane të fitnesit.
„Ka qenë një garë madhështore e hapur për të gjithë atletët profesionsitë nga mbarë Evropa. Gara është zhvilluar në një vend shumë të respektuar me rregulla strikte dhe juri profesionale“ ka thënë Grabovci.
Pas pranimit të federatës së Kosovës në federatat ndërkombëtare të Bodybuildingut IFBB, garuesi kosovar po e përfaqëson me sukses vendin e tij në garat ndërkombëtare, por përveç Kosovës, ai shprehet i gatshëm të garoj edhe nën petkun e flamurit zviceran.
„Unë i jam shumë mirënjohës shtetit zviceran. Jam rritë duke e parë gjithmonë këtë shtet mik në mbështetje të Kosovës dhe nëse garat e bodybuildingut nuk i bijnë me një datë kur kosova është në konkurrencë, kisha sakrifiku gjithçka për këtë popull mikpritës duke i përfaqësuar me shumë dëshirë ngjyrat e Zvicrës“, thotë Flamur Grabovci i mbushur me emocione nga mikpritja zvicrane.
„Vetëm për Zvicrën e kisha bërë, për asnjë shtet tjetër“, plotëson ai.
Biografi e shkurtë:
- Emri e mbiemriFlamur Grabovci
- Prejardhja:Kosovë
- Vendi ku vepron:Zvicër
- Profesioni:Atlet - Bodybuilder
E-Diaspora
-
Nju-Jork: Artisti Petrit Halilaj, në majë të Muzeut Metropolitan Artisit shqiptar, Petrit Halilaj, është tani një artist konceptual, skulpturat, vizatimet, instalimet dhe performancat joshëse dhe...
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
Jeta në Zvicër
-
Barnat e blera jashtë vendit mund të rimbursohen në Zvicër Këshilli Kombëtar miratoi një mocion të mërkurën, duke kërkuar që barnat gjenerike të blera në vendet...
-
Anulime të shumta të fluturimeve mes Zvicrës dhe këtij rajoni
-
Coca cola e re në Zvicër po konsiderohet mashtrim
-
Marigona Qerkezi do të debutojë në teatrin e St.Gallenit
-
Në cilën prej komunave zvicerane jetohet më mirë?