Lajme
Bota po rrezikohet nga mungesat ushqimore
Masa urgjente për zhbllokimin e porteve, në mënyrë që t’i jepet fund bllokadës ruse ndaj eksporteve të grurit ukrainas. Kjo ishte thirrja e presidentit ukrainas, Volodimir Zelenensky, pas takimi me kreun e Këshillit Europian, Charles Mishel, i cili vizitoi Odesën, një port i madh në Detin e Zi për eksportin e prodhimeve bujqësore.
Zelensky tha se kishin diskutuar për ndërmarrjen e hapave urgjentë për të parandaluar një krizë globale ushqimore, të shkaktuar nga veprimet agresive të Rusisë.
“Për herë të parë që prej Luftës së Dytë Botërore, në Odesa nuk ka lëvizje të zakonshme të mallrave, apo punës në port. Pa eksportet tona bujqësore, dhjetëra vende në pjesë të ndryshme të botës po vuajnë mungesa ushqimore. Me kalimin e kohës situata mund të bëhet e tmerrshme. Është pasojë direkte e agresionit rus që mund të tejkalohet vetëm duke vepruar së bashku…duke shtuar presionin ndaj Rusisë dhe duke e detyruar të ndalë këtë luftë të turpshme”, u shpreh Zelensky, transmeton Cnn, përcjell Albinfo.ch.
Para luftës, Ukraina eksportonte 4.5 milionë tonë prodhime bujqësore në muaj përmes porteve të saj, ndër të cilat 12 për qind të grurit botërore, 15 për qind të misrit dhe 50 për qind të vajit të lulediellit.
Por lufta ruse e ka reduktuar drastikisht kapacitetin eksportues; infrastruktura ukrainase është shkatërruar dhe porti kryesor i Odesës mbetet i bllokuar.
Ekonomia ukrainase pritet të tkurret me gati 1/3 gjatë këtij viti, sipas vlerësimeve të Bankës Europiane të Zhvillimit. Parashikimi është më i zymtë se ai që banka bëri në mars, kur vlerësoi një rënie prej 20 për qind.
Megjithatë ekspertët presin një hov prej 25 për qind në 2023-tën, ndërsa për Rusinë parashikojnë tkurrje me 10 për qind. Në mesazhin e tij të fundit Zelensky falënderoi Shtetet e Bashkuara, pasi presidenti Jo Biden riaktivizoi një ligj të epokës së luftës, që do të lehtësojë dërgimin e armëve në Ukrainë nga SHBA-ja dhe aleatët europianë.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
Zvicër: Të ardhurat rriten me çdo brez Çdo brez sjell vlerat, qëndrimet dhe sjelljet e veta në botën e punës, por në të...
-
Nemo kthehet në Zvicër, mirëpritet nga fansat
-
“Qeveria kantonale duhet të sjellë Eurovisionin në Cyrih”
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë