Brazil: Përplasen autobusi, kamioni dhe një automjet, 32 të vdekur dhe dhjetëra të lënduar

Të paktën 32 persona kanë vdekur dhe disa të tjerë janë lënduar si pasojë e një aksidenti komunikacioni në Brazil.

Sipas raportimeve të mediave të huaja një autobus me 48 pasagjerë është përplasur me një kamion, i cili më pas ka shpërthyer në flakë. Raportohet se si pasojë kanë humbur jetën më shumë se 32 persona, por nuk dihet ende numri i saktë, transmeton albinfo.ch.

Shërbimi zjarrfikës fillimisht njoftoi se autobusit që transportonte 48 pasagjerë i kishte dalë goma, gjë që bëri që shoferi të humbiste kontrollin e mjetit dhe të përplasej me një kamion me pllaka në orën 4:00 të mëngjesit me orën lokale, në një autostradë kryesore pranë qytetit të Teofilo Otoni në shtetin e Minas Gerais.