Brenga numër 1 e zviceranëve: Mbetja pa para pas pensionimit

Në sondazhin aktual brenga për sigurinë materiale në moshën e pensionit është rritur për 16 për qind në krahasim me një vit më parë. Në të njëjtën kohë ka shënuar rënie frika nga mbetja pa punë

Keystone

Problemi që ka brengosur më së shumti zviceranin mesatar gjatë vitit 2017 ka qenë ai nëse në pleqëri do të ketë mjaft të holla për të jetuar. Këtë gjendje e tregon “Barometri i Brengave 2027” i porositur nga Credit Suisse dhe i realizuar nga Instituti për Hulumtimin e Opinionit, GFS Bern.

Sipas këti barometri, 44 për qid të të anketuarve, si problem më të madh aktualisht në Zvicër e shohin pesnionimin, transmeton albinfo.ch. Ndërsa më shumë se tre të katërtat e tyre janë të mendimit se AHV (Sigurimi i pleqërisë dhe i trashëgimisë) duhet të reformohet.

Kështu, ketë vit pensionimi si problem në kokat e zviceranëve ia zë vendin papunësisë. Kjo e fundit, që nga viti 2003 e deri tash e mbante vendin e parë në “Barometrin e brengave”.

Në sondazhin aktual brenga për sigurinë materiale në moshën e pensionit është rritur për 16 për qind në krahasim me një vit më parë. Në të njëjtën kohë ka shënuar rënie frika nga mbetja pa punë, transmeton albinfo.ch. Në fakt, kurrë më shumë se në këtë vit zviceranët nuk kanë menduar se vendi i tyre i punës është i sigurt. Këtu nuk ndryshon asgjë as digjitalizimi i punës që sa vjen e po rritet.

Çështja e të huajve edhe këtë vit është mjaft lart në barometër. Ajo në vazhdimësi gjatë viteve të fundit ka zënë vendin e dytë ndër shqetësimet më të mëdha të zviceranëve, por kësaj here ka rënë në vendin e tretë.

Për realizimin e “Barometrit…”, verën e kaluar janë anketuar 1000 zviceranë me të drejtë vote nga të gjitha regjionet e vendit.