Buhler:Aksioni i policisë në veri nuk ishte i gabuar

Erhard Buhler, ka thënë se KFOR-i ka vënë pika kontrolli në rrugët alternative të cilat ishin edhe kalime jozyrtare në veriun e Kosovës

Për “Radio Kontakt Plus”, ai ka theksuar se pikat e kontrollit janë vënë ditët e fundit, se makinat kontrollohen në kërkim të armëve.

Ai ka deklaruar se me ushtrinë e Serbisë dhe UNMIK-un do të duhet të merren vesh se si do të kontrollohen në të ardhmen këto kalime.

“Meqë tash përmes pikave Jarinjes dhe Bërnjakut është i pamundur kontrabandimi, nuk do të lejojmë që për këtë të përdoren rrugët alternative”, ka thënë Buhler.

Ai ka shtuar se marrja e pikave kufitare në veri nga ana e njësiteve speciale të Policisë së Kosovës, ROSU, ka qenë “veprim i njëanshëm”, meqë për këtë aksion është njoftuar tek atëherë kur është nisur policia.

“Por, nuk dua të them se ka qenë veprim i gabuar”, ka thënë Buhler, duke i akuzuar pjesëtarët e “grupeve radikale nga veriu i Mitrovicës dhe Zveçani”.Gjithashtu ai ka bërë të ditur se EULEX po bën hetime, se dihen emrat e të dyshuarve dhe se po priten rezultate.