Burri i vejë fiton në Gjykatën e Strasburgut: Zvicra e ka diskriminuar mbi bazën gjinore

Atij i ishte ndërprerë pensioni i gruas ne momentin kur vazja e vogël e përbashkët e tyre ka hyrë në moshën madhore

Gjykata Evropiane e të Drejtave të Njeriut (GJEDNJ)në Strasburg ka mbështetur ankesën e një të veji (vejani) të cilit i është ndërprerë pensioni i gruas ne momentin kur vazja e vogël e përbashkët e tyre ka hyrë në moshën madhore. Në këto raste, Zvicra bën një trajtim të papranueshëm dhe të pabarabartë midis burrave dhe grave, sipas gjykatës, shkruan SDA.

Pas vdekjes së gruas së tij, burri ka rritur i vetëm dy fëmijët e tij dhe ka marrë pensionin e të vejit. Anulimi i pensionit nuk do të kishte ndodhur nëse gruaja do të mbetej e vejë. Pensioni i kufizuar i të vesë bazohet në premisën që burri duhet të paguajë për jetesën e gruas.

Por një pikëpamje e tillë nuk korrespondon më me kushtet e sotme, vëren GJEDNJ. Konventa është një “instrument i gjallë” me të cilin duhet të trajtohen rrethanat nga perspektiva aktuale,  shprehet gjykata.

Trajtim qëllimisht i pabarabartë

Gjykata Federale e Zvicrës, si instanca më e lartë gjyqësore e vendit kishte refuzuar në maj të vitit 2012 ankesën e personit të prekur, me arsyetimin se ligjvënësi kishte bërë shprehimisht një dallim specifik gjinor në Aktin AHV, i cili nuk ishte i bazuar në dallime biologjike ose dallime të tjera.

Në rregullimin e pensionit të gruas së ve, dhomat e Parlamentit të Zvicrës kanë miratuar qëllimisht një dispozitë që bie ndesh me parimin e barazisë dhe kështu edhe me kushtetutën federale.

Në vendimin e saj në atë kohë, megjithatë, Gjykata Federale i qe referuar mesazhit të Këshillit Federal mbi revizionin e njëmbëdhjetë të refuzuar të AHV, transmeton albinfo.ch. Këshilli Federal pati shkruar në atë kohë se ligji për të drejtën e pensionit të gruas së ve, sipas të cilit pensioni skadon kur fëmija më i ri mbush moshën madhore, bie ndesh me parimin e trajtimit të barabartë të grave dhe burrave.

---