Çfarë u kërkua më së shumti në Google gjatë vitit 2024?

@unsplash

Google ka publikuar raportin e tij vjetor mbi termat që kanë shënuar rritjen më të madhe të kërkimeve gjatë vitit 2024.

Këtë vit ka qenë ai i Olimpiadës dhe më së shumti janë kërkuar fjalë si gjimnastika artistike, noti. Po ashtu edhe emra të famshëm si Kate Middleton, Princ Harry dhe Donald Trump ishin ndër më të kërkuarit.

Pas tyre qëndron një situatë jo e lehtë familjare apo karriere. Nëse do përmendim Kate Middleton, u përfol shumë përgjatë gjithë vitit gjendja e saj shëndetësore dhe përballja me kancerin. Princ Harry vazhdon të qëndrojë në krye të bisedimeve për shkak të përçarjes me pjesën tjetër të familjes mbretërore. Dhe Donald Trump sigurisht mori një vëmendje të madhe për fitoren në SHBA.