Christophe Darbellay: S’ka negociata të reja me Gjermaninë

Të shtunën Christophe Darbellay i quajti “të patolerueshme” dhe “të papara” sulmet e Social-Demokratëve gjermanë, të cilët janë shprehur kundër marrëveshjes për tatimet gjermano-zvicerane tatimore. Përballë delegatëve të partisë së tij, PDC-së, e mbledhur në Basel, ai përjashtoi çdo rinegocim të marrëveshjes me Gjermaninë.

Në fjalimin e tij për zgjedhjet më 23 shtator, ai tha që mbështet dispozitën kushtetuese për promovimin dhe trajnimin muzikor. Ndërsa the që ishte kundër iniciativës për duhanin pasiv si dhe kundër iniciativës me titullin “Siguria për banim në pension”.

Kryetari i PDC –së mendon se oferta e Zvicrës, e mirënjohur nga BE-ja, ishte “bujare”. Ndalja e tatimit është një shkëmbim shumë i më mirë sesa lëshimi i informacioneve, tha ai. Me marrëveshjen për taksat, Gjermania fiton të holla.

Refuzohet marrëveshja me Francën

Z. Darbellay refuzon edhe marrëveshjen e re për tatimin mbi trashëgiminë të nënshkruar në korrik me Francën. Sipas tij, teksti përfshin pothuajse të gjitha dispozitat e ligjit francez. Sipas tij, Franca do të fitojë para me kursimet e akumuluara nga njerëzit që kanë jetuar dhe kanë punuar në Zvicër.

Lidhur me politikën e azilit, z. Darbellay i rikthehet idesë së kreut policor në Jura, Olivier Guéniat, i cili kërkon që të regjistrohet AND-ja i azilkërkuesve. Nëse nuk ka bazë ligjore, ne mund të krijojmë një bazë duke përjashtuar ADN-në e grave dhe të fëmijëve.

Rreth 200 delegatë të partisë së PDC-së kanë miratuar shumicën e madhe të programit, i cili përcakton kushtet për suksesin e energjisë së përtërirë.

Christophe Darbellay në fund të fjalimit u tha delegatëve në mënyrë të qartë se ai ka ndërmend të mbetet kryetar i PDC-së deri më 2015.