Çka duhet të dini rreth Gjenevës?

Gjeneva është qyteti i dytë në Zvicër për kah madhësia. Por jo vetëm. Gjeneva ka fituar më parë titullin “Qyteti më i mirë europian për vizitat e fundjavës”, një titull që konsiderohet Oscar për industrinë e turizmit.

Nëse përsëri keni dilema rreth vizitës në Gjenevë, albinfo.ch ju sjell disa fakte që duhet t’i dini rreth Gjenevës, të përzgjedhura (me shkurtime) në travelonspot.com.

Gjeneva njihet si vend festiv. Madje, edhe fillimi i një sezoni bëhet shkak për festë.

Kopshti anglez i Gjenevës ka më së shumti lule në botë. Ora ka një diametër prej pesë metrash dhe përbëhet nga mijëra lule të gjalla që rriten dhe lulëzojnë në kohë të ndryshme, duke bërë që ora të ndërrojë ngjyrat.

Zyrën e kryetarit të Gjenevës mund ta vizitojnë të gjithë ata që janë të interesuar. Edhe grupe turistësh mund të kalojnë nëpër korridore e të hedhin një sy në dhomat e takimit, me kusht që ta bëjnë këtë në heshtje.

Kopshti botanik i qytetit është më i vjetër se 100 vjet. Aty do të gjeni llojet më të rralla të luleve dhe bimëve të tjera nga e gjithë bota.

Nëse shkoni në Gjenevë, nuk ka rëndësi se ku vendoseni: hostel, hotel, apo vend kampimi. Ju do të merrni kartelën e Transportit të Gjenevës, përmes së cilës ju ofrohet transport publik falas dhe mund të vizitoni me zbritje shumicën e objekteve turistike.