Kultura
Cyrih: ligjëratë mbi Mirditën “në mes të traditës dhe modernes”
`Nëse dëshiron të përjetosh kulturën e vërtetë shqiptare, atëherë duhet të shkosh në Mirditë! Atje njerëzit jetojnë sikur më parë`
Shoqata e Miqësisë Zvicër-Shqipëri mban më 12 prill kuvendin e saj vjetor në Cyrih. Pas kuvendit, etnologu gjerman Andreas Hemming, i cili është njëherësh kryetar i Shoqatës së Miqësisë Gjermani-Shqipëri, me seli në Halle, do të mbajë një ligjëratë lidhur me regjionin e Miëditës, në Shqipërinë veriore, njofton albinfo.ch.
“Në kërkim të një vendi ku mund t`i realizoj kërkimet e mia etnologjike në terren, mua në Tiranë shpesh më kanë propozuar: `Nëse dëshiron të përjetosh kulturën e vërtetë shqiptare, atëherë duhet të shkosh në Mirditë! Atje njerëzit jetojnë sikur më parë`.
Kjo është dhe s`është këstu. Tradita në Mirditë në fakt kultivohet diçka më intensivisht se në regjionet tjera të Shqipërisë. Kjo ka të bëjë shumë me faktin se Mirdita gjithmonë është konsideruar disi më “tradiconale”, më “e prapambetur” se regjionet tjera të vendit. Kjo shihet edhe në tekstet e Edith Durhamit ose ato të Baronit Franz Nopcsa por edhe në politikën e ish Partisë së Punës të Shqipërisë, kur ishte fjala për këtë regjion.
Nga ana tjetër Mirdita gjendet mu në qendër të modernizimit shqiptar. Autostrada tashmë jo krejtësisht e re “Rruga e Kombit” kalon përmjedis regjionit. Lumenjtë të cilët prej shekujsh kanë karakterizuar jetën atje, aktualisht janë duke prodhuar energji elektrike. Turizmi po përparin ngadalë, shumë ngadalë”, transmeton albinfo.ch.
Në ligjëratë, Hemming do të përshkruajë këtë jetë në mes të traditës dhe modernes dhe konfliktin e brendshëm, në mes të pretendimit për t`i mbajtur vlerat e vjetra, dhe rrethanave shoqërore dhe ekonomike, të cilat kushtëzojnë braktisjen e këtyre vlerave.
Adresa: Norastrasse 20, Schulhaus Albisriederplatz, 8004 Zürich (beim Hardaupark & Albisriederplatz)
Koha: 12 prill, ora 20.30
Info rreth ngjarjes
- Data e fillimit12 Prill 2018
- Ora20:30
- LokacioniCyrih
- Data e përfundimit3 Prill 2018 - 18:00
Të tjera nga Kultura
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?